Grondslagfase

‘n Gestruktureerde leeromgewing

• Die ruimte in die klaskamer word optimaal benut, met byvoorbeeld voldoende ruimte tussen lessenaars.
• Verandering ten opsigte van die onmiddellike omgewing word tot die minimum beperk.
• ‘n Streng huiswerkstelsel word gevolg.
• Positiewe kommunikasie tussen ouers en die opvoeder word verseker.
• Spesifieke intervensie behels onder meer leerondersteuning (remediërende onderwys), herhaalde vaslegging van werk, asook lees- en spelprogramme.
• Assesseringsakkommodasies word toegepas waar nodig.
• Addisionele tyd word toegelaat om formele assesseringstake te voltooi.
• Daar is ‘n doeltreffende gedragskode wat bevorderlik is vir die ontwikkeling van selfmotivering, selfhandhawing, asook leierskapvaardighede.
• Sensoriese hulpmiddels word gebruik vir konsentrasie, bv. wondergom, pypskoonmakers, uitveërs en rekbande.
• Afkoelperiodes word in gevalle van uitdagings met impulsbeheer toegelaat.
• Terapeutiese drumming word tot voordeel van die leerders aangewend.
• Reguleringsoefeninge en ‘n musiekprogram is deel van die dagprogram.