SENIORFASE (Graad 7 – 9) EN VOO-FASE (Graad 10 – 12)

Langerugskool glo in ´n holistiese benadering tot die ondersteuning van ons kinders.

Ons spreek verskeie behoeftes van leerders wat by ons geplaas word, aan.

GRAAD 7 – 9

Ons bied 9 vakke aan soos dit deur die Nasionale Onderwysdepartement voorgeskryf is (KABV vir hoofstroomskole):

  • Afrikaans Huistaal
  • Engels Eerste Addisionele Taal
  • Wiskunde
  • Lewensoriëntering
  • Natuurwetenskappe
  • Ekonomiese en Bestuurswetenskappe
  • Sosiale Wetenskappe
  • Tegnologie
  • Kuns en Kultuur

GRAAD 10 – 12

Ons bied 6 vakke aan soos dit deur die Nasionale Onderwysdepartement voorgeskryf is. Die NSS-sertifikaat met endossement word aangebied.

Die verpligte 4 vakke is:

  • Afrikaans Eerste Addisionele Taal
  • Engels Eerste Addisionele Taal
  • Wiskundige Geletterdheid
  • Lewensoriëntering

Leerders het ‘n keuse tussen Landboutegnologie, Verbruikerstudie en Rekenaartoepassingstegnologie.

Ons akkommodeer die volgende:

SPESIFIEKE LEERHINDERNISSE
  • Leerders met gemiddelde kognitiewe vermoëns;
  • Leerders met `n beduidende verskil tussen verbale en nie-verbale kognitiewe vermoëns;
  • Spesifieke uitvalle wat lees, spelling of wiskunde betref.
EMOSIONELE HINDERNISSE
  • Emosionele probleme: swak selfbeeld, gebrekkige waagmoed, uiters sensitief, gebrek aan toewyding of ywer, huilerig en onvolwasse vir ouderdom;
  • Probleme met selfhandhawing: aggressie, verloor selfbeheersing, opponerende gedrag, ontwrigtend en onverdraagsaam;
  • Gebrek aan impulsbeheer met negatiewe gevolge;
  • Emosionele verwaarlosing en beperkte ondersteuning.

 

MEDIESE TOESTANDE
  • Aandagafleibaarheid- en hiperaktiwiteitsversteuring, Tourette- sindroom, outistiese spektrum, diabetes, epilepsie en ander mediese toestande wat spesiale sorg vereis.

Ons bied die volgende ondersteuning:

  • Kleiner klasgroepe (maksimum 14) volg ‘n aangepaste en inklusiewe hoofstroom kurrikulum (KABV) wat individuele aandag aan leerders toelaat.
  • Gestruktureerde leeromgewing:
    • klaskamersituasie: ruimte tussen lessenaars, bladsye word genommer en kleurkodes word vir die onderskeie vakke gebruik;
    • roetine: `n vasgestelde 5-dag rooster word gevolg;
    • geen onnodige verandering word toegelaat nie;
    • positiewe kommunikasie tussen ouers en opvoeders;
    • gereelde ouergesprekke en kwartaallikse oueraande;
    • skryf en lees van vraestelle (wanneer nodig): formele assesseringstake word aan leerders voorgelees en hul antwoorde word neergeskryf;
    • addisionele tyd word toegelaat om formele assesseringstake te voltooi wanneer `n leerder daarvoor kwalifiseer;
    • implementering van ´n doeltreffende gedragskode wat lei tot die ontwikkeling van selfmotivering, selfhandhawing, asook leierskapvaardighede;
    • leerders word toegelaat om sensoriese hulpmiddels vir die bevordering van konsentrasie te gebruik;
    • terapeutiese drumming;
    • arbeidsterapie met reguleringsoefeninge, Quick Shifts- en musiekprogram;
    • afkoelperiode word vir aggressiewe gedrag en swak impulsbeheer toegelaat.
  • Tegnologie:
    • dataprojektors word tydens lesaanbiedinge gebruik en rekenaars word vir die beantwoording van vraestelle vir leerders met handskrifprobleme gebruik.
  • Studiemetodes:
    • opsommings en CD’s met leerwerk is aan leerders beskikbaar.
  • Holistiese benadering deur ‘n multi-dissiplinêre span:
    • sielkundige dienste bied: individuele terapie ter ondersteuning van leerders met emosionele-, sosiale- en aanpassingsprobleme;
    • geregistreerde verpleegkundige vir algemene gesondheid en die bestuur van medikasie;
    • kundige personeel ondersteun leerders met leerhindernisse;
    • ouerondersteuningsgroep;
    • beraders bied kontaksessies.