Streng vooruitbetaalbaar.
Skoolgeld word jaarliks bepaal deur ‘n vergadering van die ouers.
Ouers wat nie by magte is om die verskuldigde bedrag te betaal nie, moet aansoek doen om afslag of kwytskelding. Alle dokumente is by die skool beskikbaar, asook hulp met die voltooiing daarvan, indien sodanige hulp verlang word. Geen aansoeke sonder die nodige stawende dokumentasie sal oorweeg word nie.
Die aansoekvorms om afslag of kwytskelding van skoolgeld moet voor of op 28 Februarie van `n gegewe jaar by die skool ingedien word, tesame met alle nodige bewyse soos voorgeskryf. Totdat ouers/voogde terugvoering van die skool rakende afslag of kwytskelding gekry het, is ouers/voogde verantwoordelik vir die volle skoolgeld, asook enige ander geld wat aan die skool verskuldig is. Ouers mag appelleer teen die besluit van die SBL vir die toestaan of weiering van afslag.
Geen afslag word op koshuisgeld toegestaan nie.
